من اكتر المواقف المحرجة ان يبقى وراك مشوار مهم وتلاقى حباية طلعت فى نص وشك
موضوع حب الشباب او Acne هو موضوع التهابات مش اكتر، من اسمها بتيجى للشباب اكتر بسبب الاختلالات الهرمونية بالجسم hormonal imbalance
طب ايه اللى بيسبب الخلل الهرمونى ده؟!
طبعا الشباب والمراهقين بيمروا بتغيرات فى هرمونات التستوستيرون والاستروجين ده طبعا الى جانب لغبطة الاكل والنوم والعصبية الزائدة دى كلها عوامل رئيسية فى التهابات حب الشباب وطبعا لعيبة الحديد اللى بيخدوا هرمون خارجى بيطلعلهم حبوب فى الوجه والظهر عشان الخلل الهرمونى …
بيبقى فيه فى الجلد خلايا وغدد بتخرج افرازات عشان تحافظ على نضارة ورطوبة البشرة وتقتل الميكروبات.. ده طبعاً خلال امبوبة بتودى من الخلية لسطح الجلد …
طب افرض بقى الانبوبة دى اتسدت ؟!!؟ الافرازات الدهنية اللى جواها هتتحوش جوا والبكتريا تيجى تهيص وتعمل التهاب وصديد جواها وبعدين تتكون رؤوس سودة فوقها .. 
اهم جزء فى خطة العلاج بتاع حب الشباب بيعتمد على ال lifestyle بتاعك … اهم حاجة نمنع مسببات الالتهابات زى السكر ومنتجات الالبان والمعجنات اللى فيها جلوتين عشان نحجم الالتهابات فى الجسم تانى حاجة عاوزين نظبط الهرونات طبعا ناخد فيتامين دال وفيتامين C وA واكيد طبعاً فيتامين E اللى يعتبر مضاد اكسدة قوى جداً عشان يمنع الالتهابات الزنك طبعا بيحسن خلل الهرمونات شرب الميااااه ودى اهم نصيحة الضغط العصبى واضطراب النوم من اهم العوامل اللى بتسبب حب شباب فلازم نظبط الحجات دى
